Plantun de Prouvènço

Pèr coumpara dos planto d'encò nostre

Ophrys provincialis & Stellaria nemorum

Ophrys provincialis

Orchidaceae

Nom en français : Ophrys de provence.

Descripcioun :
Aquesto poulido aragno, que se pòu rescountra d'ouro dins l'annado, trachis dins li tepiero seco, li pinèdo e li garrigo prouvençalo. Es uno planto pulèu forto que se recounèis à sa labreto (de 9 à 14 mm) emé uno maculo bourdado d'uno listo argentado. Lou champ basau èi rouginas.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : 2 à 3 cm
Flourido : Printems

Sòu : Ca
Autour basso e auto : 0 à 800 m
Aparado : Vo
Mars à mai

Liò : Tepiero seco - Garrigo - Pinèdo - Ermas
Estànci : Mesoumediterran
Couroulougi : Estenoumediterrano-Nord-Ouèst
Ref. sc. : Ophrys provincialis (Baumann & Künkele) Paulus, 1988

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.